22 Jan, 2018 | 5 Jamadil Awal, 1439 AH

Aoa.apsey question pucha tha gussay mn shohar ney ghar sey nikala us baray mn.. Apney kaha k unki niyyat puchun.. Tu unhun ney kaha hey k talaaq ki niyyat nahi thy. Aur ye waqya jul 2017 ka hey.. Tb sey mn abi tk alag reh rahy hun. Q k meray shohar ki jbsey gair shari peer se bayat tooty hey wo tbsey bhht sey logon ko apney khilaaf smjhtay hen..aur kehtay hen k ap k saath raha tu mera baaqy noor b khatam hojayga.. Aur ap meray andar bolty hu.. Aur mje khwab mn ye btaya gya hey.. Aur mje mera aik dost nazar aya( jo k aur kisy ko nazar nahi aata) usney mje koy story sunaye jiski waja sey mn ney apko ghar sey nikalnay ko kaha..q k aap k sath rehta tu mera noor aur kam hojata.. Aur b bhht sey log hen jinsey meray shohar dartay hen aur same yehy baat kehtay hen.. Maslan apney baap k sath nahi rehtay isi waja sey k wo noor khinch lengay. Aur agr koy buzurg hamdardi krey un k saath tu us ko b yehy smjhtay hen k ye mera noor khincheyga. 2 saal hogye hen jb sey peer sey unka talluq toota hey..tb se aisy baaten krrhay hen.. Kabi drawnay khwab dekhtay hen..kabi apney aap ko dunya ka sb sey gunahgar insan dekhtay hen.. Un k peer ney bayat tornay sey pehlay kaha tha meray shohar sey k tmhary toba qabool nahi hogy kabi b q k tmhary file pe muhar(stamp) lag gye he..k tmhen bachpan sey gunah gar insan bnaya gya hey aur aakhir tk yehy hoga.. Bs is baat k baad sey meray shohar rotay hen aur aisy cheezen dekhtay hen..jo hmen nazar nahi aaty. Unhen maafi ka yaqeen dila dila k sb thak gye hen.. Lekin q k wo apney peer ko Allah ka bhht qareebi dost smjhtay thay tu isliay ab tk kisy ki baat pe yaqeen nhi krparhay k toba hogye hey.aur normal b nhi horahay. Lekin nmazen masjid mn parhna shuru ki hen..aur deeni aitbaar sey kaafi behtar huay hen pehlay k muqablay mn.. Lekin depression mn hen 2 yrs sey tu isliay aisy cheezen dekhtay hen aur bhht sey logon sey dartay hen.

آپ سے ایک سوال پوچھنا تھا غصے میں شوہر نے گھر سے نکالا ۔ اس نے کہا تھا‘‘ یہاں سے چلی جا’’ جہاں مرضی چلی جاؤ’’

اس بارے  میں آپ نے کہا تھا کہ اس کی نیت پوچھیں ، تو  انھوں نے کہا ہے کہ طلاق کی نیت نہیں تھی ،اور یہ واقعہ جولائی ۲۰۱۷ کا  ہے ۔تب سے میں ابھی تک الگ رہ رہی ہوں ،کیونکہ میرے شوہر کی جب سے غیر شرعی پیر سے بیعت ٹوٹی ہے وہ تب سے بہت سے لوگوں کو اپنے خلاف سمجھتے ہیں ۔اور کہتے ہیں کہ آپ کے ساتھ رہا تو میرا باقی نور بھی ختم ہوجائے گا ۔اور آپ میرے اندر بولتے ہو ،اورمجھے یہ خواب میں بتایا گیا ہے،اور مجھے میرا ایک دوست نظرآیا (جو کہ اورکسی کو نظر نہیں آتا ) اس نے مجھے کوئی کہانی سنائی جس کی وجہ سے میں نے آپ کو گھر سے نکل جانے کو کہا ،کیونکہ آپ کے ساتھ رہتا تو میرا نور اور ختم ہوجاتا،اور بھی سے لوگ ہیں جن سے میرے  شوہر  ڈرتے ہیں ۔اور بالکل یہی بات کہتے ہیں ،مثلااپنے باپ کے ساتھ نہیں رہتے،اسی وجہ کہ وہ نور کھینچ لیں گے ۔اور اگر کوئی بزرگ ہمدری کرے ان کے ساتھ تو اس کو بھی یہی سمجھاتے ہیں کہ یہ میرا  نور کھینچ لے گا ۔۲ سال ہو گئے ہیں جب سے پیر سے ان کا تعلق ٹوٹا ہے تب سے ایسے باتیں کر رہے ہیں ،کبھی ڈراؤنے خواب دیکھتے ہیں،کبھی اپنے آپ کو دنیا کا سب سے گناہ گار انسان دیکھتے ہیں ،ان کے پیر نے بیعت توڑنے سے پہلے کہا تھا میرے شوہر سے کہ تمہاری توبہ قبول نہیں ہوگی کبھی بھی ،کیونکہ تمہار ی فائل پے مہر لگ چکی ہے ،کہ تمہیں بچپن سے گناہ گار انسان بنایا گیا ہے ،اور آخر تک یہی ہوگا ۔ بس اس کے بعد سے میرے شوہر روتے ہیں ۔اور ایسی چیزیں دیکھتے ہیں جو ہمیں نظر نہیں آتی ۔انہوں معافی کا یقین دلا دلا کے سب تھک گئے ہیں ،لیکن کیونکہ وہ اپنے پیر کو اللہ کا بہت قریبی دوست سمجھتے تھے اس لئے اب تک کسی کی بات پے یقین نہیں کرپا رہے کہ توبہ ہوگئی ہے اور نارمل بھی نہی ہو رہے ، لیکن نمازیں مسجد میں پڑھنا شروع کی ہیں اور دینی اعتبار سے کافی بہتر ہوئے ہیں پہلے کے مقابلے میں ، لیکن پریشانی میں ۲ سال سے تو اس لئے ایسی چیزیں دیکھتے ہیں اور بہت سے لوگوں سے ڈرتے ہیں ۔

الجواب حامدا ومصلیا

صورت مسؤلہ میں جب شوہر نے   اپنے ان الفاظ ‘‘یہاں سے چلی جا’’ جہاں مرضی چلی جاؤ’’ سے طلاق کی نیت نہیں کی تھی تو اس سے کوئی طلاق واقع  نہیں ہوئی۔

الفتاوى الهندية (1/ 375)

وانتقلي وانطلقي كالحقي وفي البزازية وفي الحقي برفقتك يقع إذا نوى.

  واللہ اعلم بالصواب

      احقرمحمد ابوبکر صدیق  غفراللہ لہ

  دارالافتاء ، معہد الفقیر الاسلامی، جھنگ

۶؍ربیع الثانی؍۱۴۳۹ھ

                   ۲۵؍دسمبر؍۲۰۱۷ء