17 Nov, 2017 | 27 Safar, 1439 AH

Assalamu Alaikum Muhataram Asatza karam sahib, Hazrat myri age 27 sal hy aur mai 1 private company mai receptionist ki job kar raha ho, Hazrat aisa hai k myri mangni ko ab 7 saal hogaye hai aur humary pas shadi karny k liye peso ki bilkul b gunjaish nai hai azeez o agarb se qarz ki appeal ki lekin kahi se sahara na mila, 1 dost ne ye kaha k ap kahi sahi aalim se pochy k agar koi muje thora boht zakaat dena chahy to kya mujpe zakat ho sakti hay ya nai ya mai ye zakat shadi k liye le sakta ho? muamla ye hai k myrei salary abtak Rs.16 hazar t is month mai muje 1922 increment lag gaya hai, aur myre walid sahib ki salary Rs.12 Hazar hai jis se hum apni guzar basar boht ahtiyat k sath karty hai, jis gharany mai myri mangni howi hai wo myre sagi phopo ki beti hai masla ye hai k wo log humary nisbat ameer hai yu keh sakta ho k wo lakh pati hai aur hum is salary pe guzara karty hai, myri shadi mai sab se barri rukawat 2? 1. sona banana (Jewelery) 2. kamra (room)aur bathroom banana hai jo k hum ne 7 saalo mai nai banaya q k peso ki gunjaish he nai hai, Hazrat muje pata nai wo dost kitna zakat dega lekin kya is halat mai may zakat k pesy le sakta ho ya nahi???? Allah apko 2'no jahano ki kamyabia aur khushia atta farmaye Ameen, Best Regard's Aftab.

سوال کا خلاصہ :

میں ایک کمپنی میں ملازمت کرتا ہوں، میری عمر 27 سال ہے، سات سال  پہلے منگنی ہوئی تھی، پیسے نہ ہونے کی وجہ سے شادی نہیں ہورہی، دوست و احباب سے قرض مانگا ہے، انہوں نے مدد کرنے سے انکار کردیا، اب ایک دوست کہتے ہیں کہ میں آپ کو زکوۃ کے پیسے دیتا ہوں، توکیا گھربنانے کے لیے مجھے یہ پیسے لینا جائز ہے یا نہیں؟

میری شادی میں دو بڑی رکاوٹیں ہیں:

ایک  سونا بنانا،  اوردوسرا کمرہ اور بیت الخلا بنانا ہے، جو ہم سات سالوں میں نہیں بناسکے کیونکہ پیسے نہیں ہیں۔ تو کیا زکوۃ کے پیسوں سے یہ کام کراسکتا ہوں، اور میں اس کے کتنا زکوۃ لے سکتا ہوں، وہ مجھے کہتے ہیں کہ پہلے یہ کسی صحیح عالم سے پوچھ لو پھر میں آپ کو دونگا۔ براہ کرم رہنمائی فرمائی جائے۔ جزاکم اللہ۔

الجواب حامدا ومصلیا

صورت مسئولہ میں اگر آپ مستحق زکوٰۃ ہیں تو آپ کا دوست  آپ کو زکوٰۃ کی رقم گھر کی تعمیر کےلیےدے سکتاہے۔جس کا طریقہ یہ ہے کہ وہ زکوٰۃ کی رقم سے آپ کے لیے گھر تعمیر کرائے اور اس کے بعد تعمیر شدہ گھر آپ کو مالک بناکر آپ کے قبضہ میں دے دے۔اس کی عملی صورت یہ ہے کہ وہ آپ کو گھر بنانے کاوکیل بنادے، آپ اس کی رقم سے گھربنائیں اور جب گھر بن جائے تو آپ  اس کوکہہ دیں کہ گھر بن گیا ہے، اس کے بعد وہ آپ کے حوالے کردے۔

یا وہ زکوٰۃ کی رقم تھوڑی تھوڑی کرکے آپ کو دیتے رہیں اور آپ اس سے مکان تعمیرکرتے رہیں۔ اس صورت میں بیک وقت  نصاب (ساڑھے باون تولے چاندی کی مالیت)کے بقدر زکوٰۃ کی رقم  نہ دے بلکہ اس سے کم کم دیتا رہے، اور جب وہ خرچ ہوجائیں تو دوسری رقم دے۔ یاآپ کسی سے  مکان کی تعمیر کے لیے قرض لے لیں، اور پھر قرض کی ادائیگی کے لیے آپ زکوٰۃ کی رقم لے لین اور فوری قرض ادا کردیں، اس صورت میں زکوٰۃ کی رقم تھوڑی تھوڑی وصول کرنے کی بھی ضرورت نہیں ہوگی۔

یہ بھی واضح رہے کہ مستحق زکوٰۃ وہ شخص ہے کہ جس کے پاس ساڑھے باون تولہ چاندی ،یا اس کی قیمت کے  بقدر نقدی،یا ضرورت سے زائد سامان موجود نہ  ہو۔

الدر المختار - (2 / 339)

مصرف الزكاة والعشر ... ( هو فقير وهو من له أدنى شيء ) أي دون نصاب أو قدر نصاب غير تام مستغرق في الحاجة ( ومسكين من شيء له ).

الدر المختار - (2 / 344)

ويشترط أن يكون الصرف ( تمليكا ) لا إباحة كما مر.

وفی الهداية - (1 / 114)

 ويكره أن يدفع إلى واحد مائتي درهم فصاعدا وإن دفع جاز.

وفی الفتاوى الهندية - (1 / 188)

ويكره أن يدفع إلى رجل مائتي درهم فصاعدا وإن دفعه جاز.

وکذا فی خیر :3/470، فی فتاوی مفتی محمود: 3/360)

واللہ اعلم بالصواب

احقرمحمد ابوبکر صدیق  غفراللہ لہ

دارالافتاء ،معہد الفقیر الاسلامی، جھنگ

۲۳؍ذی الحجہ؍۱۴۳۷ھ

۲۶؍ستمبر ؍۲۰۱۶ء